Градоначалникот на општина Бутел, Дарко Костовски, заедно со учениците, денеска го отвори новиот спортско-рекреативен центар „Радишани“, лоциран во дворот на ООУ „Ацо Шопов“. Центарот се простира на површина од 4000 м² и вклучува модерно фудбалско игралиште со вештачка трева, кошаркарско игралиште со специјална ФИБА подлога, ново детско игралиште, тениско игралиште со акрилна подлога, фитнес зона за вежбање и рекреација, како и нова челична ограда и LED осветлување.
Изградба на затворен пливачки базен во ООУ „Ацо Шопов“ започнува наскоро, со што Општина Бутел продолжува со вложувањата во спортската инфраструктура. Овој проект е дел од пошироката стратегија за развој на спортот, кој има клучно влијание на целокупниот развој на секое дете, осигурувајќи здрава иднина за новите генерации. Локалната самоуправа продолжува да инвестира и создава можности за редовно практикување спорт во сите населени места, а до крајот на мандатот на градоначалникот, во секоја населена единица ќе биде изграден модерен спортско-рекреативен центар, информираат од општината.
