Минимум 46 проценти повисока или околу 50 илјади денари треба да достигне основната плата на наставниците во основно образование, согласно методологијата која ја договорија Владата и СОНК за четири години. Основната плата на еден наставник без никакви додатоци сега изнесува 33 500 денари во основно , а 34 600 денари во средно образование.
Методологијата за која се договорија Владата и СОНК треба овозможи пораст за околу 17 илјади денари на наставник во основно образование до март 2028 година. Растот ќе се случува секој март за период од цел мандат.
ГОДИНА Процент на раст
2025 7 %
2026 7,5 % – 10 %
2027 7,5% – 10 %
2028 10 – 12 , 5 %
Според пресметката на Алфа веќе во март идната година основната плата на наставник во основно образование ќе порасне за околу 4 000 денари , односно ќе изнесува околу 37 илјади денари (37 637 ). Ако се земе најниската граница на процент за кој може да има покачување според она што го кажа Владата, основната плата на наставник во основно образование во 2028 ќе изнесува 47 842 денари . Доколку пак Владата успее да ги покачи платите во највисокиот процент во март 2028 година почетник наставник ќе зема 51 232 денари.
Основна плата на наставник во основно образование
Март 2025 37 637 / 37 637
Март 2026 40 459 / 41 400
Март 2027 43 493 / 45 540
Март 2028 47 842 / 51 232
Динамиката на зголемување на платите ќе зависи од тоа колку пари ќе се приберат во Буџетот па процентот 46 како што кажа премиерот Мицкоски е мимумот што го очекуваат. Парите како што кажа премиерот се обезбедени со домаќинско работење и зголемена наплата на давачките во Буџетот.
Синдикатите го поздравија овој чекор , велат е напредок во социјалниот дијалот . Очекуваат до февруари да се потпише колективниот договор
