Членството во Европската унија не е гаранција за безбедноста, туку процес базиран на заслуги, изјави унгарскиот премиер Виктор Орбан, одговарајќи на изјавата на финскиот претседател Александар Стуб дека најсилната гаранција за безбедноста на Украина е членството во ЕУ.
„Членството во ЕУ е процес базиран на заслуги. Доколку тоа беше навистина најсилната гаранција за безбедноста, тогаш Финска немаше да има причина да се приклучи на НАТО. Забрзаното пристапување на Украина во Европската унија нема да ја зајакне нашата унија. Тоа директно би предизвикало закана од војна“, рече Орбан.
На заедничката прес-конференција со украинскиот претседател Володимир Зеленски во Киев, финскиот претседател Стуб вчера изјави дека најсилната гаранција за безбедност и најсилниот пример за стратешкиот пораз на Русија е членството на Украина во ЕУ.
