Изградба на современа инфраструктура, поставување канализациски и водоводни мрежи во населени места, заштита на националното културно-историско богатство, како и на Преспанското Езеро. Ова се само дел од проектите на кои општина Ресен веќе интензивно работи, а се финансирани со 20 милиони евра од ЕУ преку Проектот „ЕУ за Преспа“.
„Голем проект кој што се вика „ЕУ за Преспа“, кој што е во финална фаза и кој е во вредност од околу 20 милиони евра. Содржи изградба на канализациони системи со пречистителни станици во седум села на крајбрежјето на Преспанското Езеро. Имаме повик за култура, повик за туризам, повик за земјоделие, повик за заштита на животната средина и др.“, – изјави Јован Тозиевски, градоначалник на Ресен.
Освен ова, во рамките на овој Проект влезени е и ОУ „Браќа Миладоновци“ во Царев Двор кое ја зголеми својата енергетска ефикасност преку грант финансиран од ЕУ, како и црквата „Св. Петка“ во селото Брајчино каде фреските треба да се зачуваат во рамките на ACT4PRESPA, прекуграничен проект финасиран од ЕУ за заштита и конзервација на културното наследство во областа на Преспанското Езеро.
„Економски развој, повеќе можности за граѓаните од трите страни на границата, економската одржливост, како и зачувување на Преспанското Езеро кое што не е само природно наследство на Преспанскиот регион, туку исто така, се смета и како европско наследство“, – кажа Михалис Рокас, ЕУ-амбасадор во Македонија.
Колку за постетување, како дел од овој мега-проект на ЕУ за европски развој на Преспа е и започнувањето со градежните активности за повторно отворање на Граничниот премин „Маркова Нога“ со соседна Грција, кој од далечната 1967 година беше целосно затворен. Неговата вредност е 14 милиони евра, а во функција треба да биде ставен за 16 месеци.
Каролина Дурло
