По синоќешното откривање на споменикот на Александар Турунџев во Битола, јавноста реагираше на натписот на спомен-плочата, кој, според нив, користи фонт со бугарски букви. Многу граѓани изразија загриженост дека натписот не е во согласност со македонскиот правопис.
Општина Битола, која го организираше откривањето на споменикот, излезе со соопштение во кое објаснува дека грешките не се резултат на правописни проблеми, туку станувало збор за декоративен типографски стил кој наликува на латинично писмо. Фонтот што бил користен не бил наменет да имитира бугарска ортографија, туку бил избран за естетски ефект, што ја предизвикало забуната.
Од Општина Битола најавија дека ќе се изработи нова спомен-плоча која целосно ќе биде усогласена со правописот на македонскиот јазик. Споменикот беше откриен синоќа на „Ат-пазар“ во Битола, во спомен на 120-годишнината од смртта на војводата Александар Турунџев.
