Пет луѓе загинаа, а четворица се полесно повредени во пожар што избил во станбена зграда во Каталонија, североисточна Шпанија.
Пожарот избил во петкатница во градот Манлеу. Сѐ уште е непознато зошто жртвите не можеле да ја напуштат зградата.
Каталонската полиција отвори истрага за причините за пожарот. Идентификацијата на жртвите денеска ќе биде завршена, а некои од телата се јагленисани. Се претпоставува дека загинатите се млади лица, а можеби и малолетници.
