Голем одрон утрово целосно го пресече регионалниот пат Ресен – Стење, на делницата меѓу Шурленци и Отешево, оставајќи ги возачите без можност да стигнат до граничниот премин и до селата покрај Преспанското Езеро.
Коловозот е затрупан со камен и земја, а сообраќајот е во прекин во двата правци.
Од МВР и од полицијата во Ресен апелираат граѓаните воопшто да не се упатуваат по овој правец додека трае расчистувањето. Освен што патот е непрооден, постои и ризик од нови одрони, па секое движење во зоната се смета за небезбедно.
На терен се екипи на надлежните служби, кои најпрво работат на обезбедување на критичниот потег, а потоа и на отстранување на материјалот што се урнал врз коловозот.
