Наодот од вештачењето на доказите За обвинителката, одложувањето на судењето во рок од 5дена и тоа од лице кое директно е засегнато во постапката се премногу, бидејќи во извештајот самите вешти лица јасно го имат сублимирано она што претходно го навеле како наод.
Одложено судењето на 54-годишниот штипјанец, кој ја уби сопствената мајка. Обвинетиот за фемицид, Стојанче Зарков, побара одложување од неколку денови, за да може да го протолкува извештајот од вештачењето на ножот и наодите од ДНК анализите, кои обвинителката ги достави до судијата, пред самиот почеток на судењето. Претходно од страна на адвокатот на обвинетиот беше побарана 15минутна пауза, за и тој да го разгледа вештачењето. Бранителот ја сфати содржината на доказите, но не и обвинетиот.
–Дали Ви, се доволни три дена?праша судијата Сашко Ѓоргиев.
-Не знам…ако може 5-6дена? одговори обвинетиот Стојанче Зарков.
“На сечивото од ножот има крв од Марија Заркова, а додека на рачката од ножот има ДНКпрофил кој припаѓа на обвинетиот„ рече обвинителката Тања Кацарова.
Убиството на 84 годишната штипјанка Марија Заркова, се случи на 8 август во утринските часови во семејната куќа, каде двајцата живееле во заедница. Според обвинителниот предлог во дадениот момент Стојанче, бил во алкохолизирана состојба кога неколку убоди од нож ја лишил од живот својата мајка .
