Скопје или Охрид директно да се поврзат со Тел Авив, а Македонија да стане влезна точка за израелските туристи, компании и инвеститори кон европскиот пазар. Иницијативата за директна авиолинија и можностите за поголема економска и туристичка размена биле теми на разговор при официјалната посета на министерот Тимчо Муцунски во Израел кој е во официјална посета на земјата. Во интервју за израелскиот весник „The Jerusalem Post“, посочи дека воспоставувањето директна воздушна врска, би било значаен чекор за зголемување на туристичката размена, но и за олеснување на деловните контакти меѓу двете земји.
-Една од првите теми за кои разговаравме беше можноста за воспоставување директна авиолинија меѓу Тел Авив и Скопје или Тел Авив и Охрид, кој е нашиот главен туристички центар и град за кој верувам дека секој Израелец би сакал да го посети“, истакна министерот Муцунски.
Додава дека Македонија не се ограничува само на туризмот. Стратешката положба на земјата, која се наоѓа на крстопатот на европските транспортни коридори 8 и 10, заедно со инвестициите во енергетската инфраструктура, создава услови за привлекување на израелски компании и инвеститори.
„-Можеме да бидеме и влезна точка за израелските инвеститори кон европски пазар чиј потенцијал сè уште не е целосно искористен од израелската бизнис-заедница, но и пазар за извоз“, порача министерот за надворешни работи Тимчо Муцински
Инаку Македонија изминатиов период доби 28 нови директни авио дестинации од двата меѓународни аеродроми во земјата. Од Скопје сега може да се лета до Париз, Барселона, Лион, Амстердам, Љубљана, Мадрид, Стокхолм, Келн, Бари, Прага, Ларнака, Неапол, Будимпешта, Алгеро и Палермо. А од аеродромот во Охрид новите линии ќе ги поврзатт патниците со Истанбул, Базел, Ларнака, Мадрид, Штутгарт, Бари, Стокхолм, Катовице, Вроцлав, Милано, Братислава и Виена. Подобрата воздушна поврзаност ќе има позитивно влијание и врз економијата, бидејќи им овозможува на домашните компании полесен пристап до странски пазари и партнери.
