Трет и четврт блок да поскапат максимално за парите да се користат за субвенционирање на првиот и вторит блок . Ова е ставот на министерот за економија Крешник Бектеши кој на иста линија со Регулаторната комисија за енергетика не кажа колку од домаќинствата во зимскиот период преминуваат во трет блок .
Ако јас лично се прашувам, струјата за четвртиот блок корисници ќе биде зголемена максимално со цел да се покријат првиот и вториот блок имајќи го предвид животниот стандард на нашите граѓани. Тие што се во четвртиот блок, мислам дека немаат никаква потреба да бидат поддржани од страна на државата. Ние не треба да поддржиме граѓани кои имаат големи приходи и трошат колку што троши една фабрика во нивните домаќинства. Ние треба да го направиме спротивното, тие граѓани треба да плаќаат согласно пазарот и секако да плаќаат за тоа што трошат. Имаме домаќинства кои имаат речиси низ цела Македонија станови, викендички. Тие кога и да одат таму имаат електрична енергија, а во делот на цената на дистрибутивната мрежа го плаќаме ние кои секојдневно живееме во нашите домови“, рече министерот Бектеши.
Во однос до новата ставка , и минстерот за економија смета дека е правична . Односно во случајов тие што имаат викендици, празни станови , не трошат струја и коректно си платиле приклучок треба да платат „ пристап до мрежа “ .
-Граѓаните кои имаат два-три стана, викендици или слично, тие ќе имаат фиксен надомест во текот на целата година, имајќи во предвид дека ако еднаш го користат тој простор, тие кога одат во тој стан или викендица тие имаат електрична енергија затоа ја плаќаат другите граѓани во моментот согласно постоечката методологија. За да бидам јасен, зголемување на цената во фактурите на граѓаните нема да има од први јануари согласно новата методологија, рече Бектеши.
Од ЕВН за Алфа велат дека минатиот месец 85% или 690 илјади домаќинства биле во 1 и 2 блок. Новата цена на струјата ќе стартува од 1 јануари, а дали ќе се прифати барањето за поскапување од 27 отсто од енергетските компании ќе се знае идната недела .