Обвинителството за гонење на организиран криминал и по втор пат се прави глуво и немо по признанието на нивната екс-шефица Вилма Рускоска дека поранешниот премиер Зоран Заев директно и се јавил да ургира и бара прекфалификација на делото за случајот „27 април„. Тој сакал наместо за тероризам, таа како главен обвинител во случајот да ги гонат луѓето за поблаго дело, затоа што му требало подршка за уставните измени за промена на името. Рускоска гордо се фали дека го одбила. Но проблемот е што целата нејзина приказна преставува кривично делo.
Тоа што Рускоска треба да го знае како екс-обвинителка, но и сегашниот републички јавен обвинител Коцевски е дека ваквата нејзина изјава може да се смета за признание на извршено кривично дело, особено ако се земат предвид одредбите од Кривичниот законик. Потенцијалните прекршувања вклучуваат Примање награда за противзаконито влијание, Злоупотреба на службена положба и овластување и Трговија со влијание. Тешки дела за ко е предвидени високи затворски казни.
На прашање на Алфа, колку пати Русковска треба да каже дека Заев правел пазар за уставните измении и тргувал со влијание, за да Обвинителството реагира, оттаму молк.
Ова е не прв пат Рускоска да призне. Имено, уште во октомври ланската година, таа во емисијата „Претрес“ објасни како се одвивал целиот телефонскиот разговор со поранешниот премиер. Тој и се јавил пред изгласувањето на Законот за амнестија и побарал да не ги товари луѓето за тероризам во случајот 27 април.
И тогаш како и сега, државниот обвинител не гледа и не слуша ништо. Откако Русковска првпат призна за телефонските јавувања на Заев, во гостувањето на Алфа телевизија, Коцевски одговори дека таа требало да пријави, за да може обвинителите да постапат.
Инаку, шеснаесет од седумнаесетте обвинети во настаните од 27 април беа осудени вкупно на затворска казна од 211 години, додека ослободен од обвинение беше само еден. Експертската јавност одамна негодува дека истрагта треба повторно да се отвори бидејќи луѓето се политички затвореници. Иако за упадот со судска одлука нема организатори, сепак тие се уште се теорирсти според судот и обвинистелството. Преживеа изживување, малтретирање и лежат драконски казни за дело за кое многумина е обична фарса и организирана политичка хајка на претходната власт.
