Двапати повеќе е зголемен бројот на убиства и сообракајки во Македонија, обвинителите се пофалија дека двојно повеќе работеле од лани. Во делот на сообраќајните незгоди, тие примиле дури 40 % повеќе пријави од минатата година, но исто така информираат дека голем процент од нив резултирале со обвинение. Двојно се зголемил и бројот на убиства од најтежок облик.
Во извештајната година е забележано зголемување и на бројот на кривични дела против животот и телото, каде влегуваат убиства, тешки телесни и телесни повреди, учество во тепачки, загрозување со опасно орудие при тепачка и караница и други. Особено забележителен раст има во бројот на убиства квалификувани во потежок облик, каде бројот на пријави е речиси удвоен во однос на претходната 2023 година, стои во Извештајот на Јавното обвинителство за 2024.
Јавното обвнителство лани, помалку прислушкувало и следело осомничени. Во извештајот стои дека примената на посебните истражни мерки за одредени случаи бележи значителен тренд на намалување во однос на 2023 . Односно има само 35 случаи во однос на ланските 87.
Во однос на мерката притвор според извештајот се заклучува дека е побарана само за 3,1% од сторителите. Во 2023 година притвор се барало за поголем процент, односно 3,6%.
Исто така, во 2024 година обвинителите поднеле обвиненија против 10.034 луѓе, што е за 698 лица повеќе во однос на 9.336 во 2023 година.
Обвинителство се жали за проблемот со недостатокот јавни обвинители и службеници. Потенцираат дека од година во година се продлабочува овој проблем. Советот на јавни обвинители за 2024 година донел одлука дека предвидениот број на јавни обвинители е 261. Но се пополниле само 60 % од местата, а 4 градови останале без ниту еден обвинител.
Од нив пополнети биле вкупно 169 места, односно само 64,7% од предвидениот број. Дури 4 јавни обвинителства во државата во 2024 година останаа без ниту еден јавен обвинител. Тоа е во Ресен, Делчево, Берово и Крива Паланка, стои во Извештајот на Јавното обвинителство за 2024.
Извештајот е веќе доставен до Собранието, Советот на јавни обвинители, Владата, Врховниот суд како и до Министерството за правда. По негово разгледување, треба да се гласа за истиот на плаенана седница во Законодавниот дом.
