Новиот градоначалник Орце Ѓоргиевски го чека Обвинителството да истражи кој исплаќал илјадници евра за интелектуални услуги во Комунална хигиена и овозможил 371 вработени да зема плата, а да не доаѓаат. А Обвинителството го чека Ѓоргиевски да дојде и да каже какви информации има. Оттаму појаснуват дека тој веќе ја презел функцијата и негова законска обврска е да пријави кривично дело доколку има сознанија. Го повикуваат да поднесе пријава.
Обвинителите очигледно сами нема да постапат по допрен глас – велат дека ќе чекале прво да истражат МВР и Финансиска полиција како работело претпријатието „Комунална хигиена“ и дали имало злоупотреби.
„Надлежни институции за откривање на кривични дела се МВР, Управата за финансиска полиција, инспекторатите… До обвинителството до овој момент не е доставена ниту пријава, ниту известување“, информираат од Јавно обвинителство.
Сепак, Обвинителството веќе води една истрага за „Комунална хигиена“, но само за претпоследниот директор Сабахудин Рустеми и за уште едно лице за кои постои основано сомнение дека ја загрозувале животната средина со отпад откако Скопје со месеци тонеше во ѓубре и нечистотија.
Алфа неодамна пишување за вртоглавите тендери што сега веќе притворениот директор на „Комунална хигиена“ги потпишувал. Од јануари до сега тој исплатил за тендери речиси 178 милиони денари или скоро 2.9 милиони евра. Специјалните возила за чистење ѓубре и целиот возен парк на Комунална хигиена во последните две години се сервисирале за над два милиони евра, па оттука главниот град би требало да биде чист како стакло, наместо да е потонат во ѓубре и со наезда на стаорци.
И не само редовни сериси, се купувале гуми, бандажи, масла, антифриз, федер платна, железарија, бош пумпи. Не се штедело ниту на канцелариски материјали, пијалоци, на осигурањето на имотот, сервисирање на фотокопири, противпожарни опреми, и на резервни делови за цел возен парк.
