Во услови на забрзано намалување и исчезнување на водните површини и загадување на водите како резултат на климатските промени, неповолната хидролошка состојба и човечката негрижа, Владата превзема мерки за спас на загрозениот езерски екосистем.Со цел нашите природни езера не да ја доживеат судбината на десетици езера во светот,спроведуваме стратегијата за рехабилитација на природното и културното наследство на охридскиот регион, како и заштита на сливот на река Дрим-посочива министерот за транспорт и врски,Николоски.
„Чистата вода не е само природно богатство, туку и цивилизациска вредност што го одредува квалитетот на животот и одржливоста на идните генерации. Сливот на реката Дрим, кој опфаќа неколку земји и култури, ја симболизира нашата меѓузависност и колективна одговорност, но е и регион за градење политичка соработка, како и за развој на одржлива економија. Остануваме посветени на заштитата и управувањето со водните ресурси во државата во согласност со приоритетите за економски развој и заштита на природните богатства како и усогласување на директивите на ЕУ”, изјави Александар Николоски-министер за транспорт и врски.
Сите,додава Николоски мора заеднички да се фокусираме на борбата против различните форми на загадување на водата и да создадеме еколошки пристап што ќе произведе здрави екосистеми и долгорочна безбедност на водата. Водите на Охридското Езеро се важен економски двигател,а сливот на реката Дрим е регион со огромен капацитет за развој на инфраструктурата и туризмот.Во тој контекст конечно после 60 децении на испустот кај реката Дрим во Струга ќе се направи најсовремен систем за регулација на протокот на вода од Охридско.
“Се трудиме максимално пред се да биде запазен биолошкиот минимум низ коритото на реката Црн Дрим, да биде запазен живиот свет, внимателно се трудиме да го растеретуваме езерото во некои периоди на високи водостои кои што доаѓаат непланирано за да се заштити охридското крајбрежје и нашиот регион од можни поплави”-вели Гоце Божиновски -Директор на ХЕЦ Глобочица Струга
Експертите дополнуваат дека покрај мерките за адаптивно управување со езерото во услови на драстично променети климатски услови,најважно од се’ е да се ревидира договорот со Албанија кој е стар 70 години. На денешиот состанок на експертско ниво за заштитата на сливот на река Дрим и Охридското сливно подрачје Николоски се осврна на акционите планови кои ги реализираат во насока на заштитата на природните ресурси.
