Вицепремиерот и министер за транспорт, Александар Николоски денес присуствуваше на промотивен настан за отпочнување на проект за интегрирани услуги за енергетски ефикасно реновирање на домови. Проект кој е поддржан од Европската Унија.
„Денес присуствував на промотивен настан за отпочнување на проект за интегрирани услуги за енергетски ефикасно реновирање на домови, проект кој е поддржан од ЕУ“, објави на социјалната мрежа на Фејсбук вицепремиерот и министер за транспорт, Александар Николоски.
Министерството за транспорт ги подржува проектите од аспект на Енергетската Ефикасност, а со цел заштита на животната средина и намалување на загадувањето.
„Преку вакви проекти се бориме за заштита на животната средина и подобрување на животниот стандард“, пишува Николоски во својата објава.
