Реклама

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Алта банка официјално на продажба- прва јавна аукција по принципот „се или ништо“ на 30-ти ноември

Играње по бугарски ноти: Сметката за бегството стигна за наплата – Ива Михаилова претворена во медиумска алатка на Софија

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Нов удар за „СДСМ“: Триесеттина членови од OO Ѓорче Петров преминаа во „ЗНАМ“

Ива Михаилова тајно снимена: Закани, притисоци, услови- бегалката мора да игра по нотите на бугарските тајни служби

Штипската брза помош доби три амбулантни возила со современа медицинска опрема

Од илјадници стада до напуштени пасишта – Галичица се соочува со природна промена

Туризмот расте – целите за 2030 постигнати четири годано порано, се најавуваат нови чартер летови до Охрид

Македонија

„Наука за сите“ од Нада Поп-Јорданова во „Матица македонска“

„Матица македонска“ ја објави „Наука за сите: истражувања што го менуваат секојдневјето“…

Сподели:
Фото: Алфа Вести

„Матица македонска“ ја објави „Наука за сите: истражувања што го менуваат секојдневјето“ од академик Нада Поп-Јорданова – книга што ги доближува светските научни истражувања до прашањата што нè засегаат лично. Низ 54 научнопопуларни текста, авторката ги поврзува големите научни теми со нашиот секојдневен живот: како мислиме, како чувствуваме, како растеме и како се менуваме.

Како што наведува „Матица македонска“, на 322 страници, книгата нуди и слобода да се чита според сопствениот интерес. Секој текст е посебен влез: може да се почне од темата што денес најмногу нè засега, а потоа да се продолжи кон нешто за кое дотогаш не сме ни помислиле да прашаме.

-Зошто полесно учиме од луѓето што ни се допаѓаат? Што се случува со нас кога се вљубуваме? Каква врска има читањето со емпатијата и осаменоста? Поп-Јорданова тргнува од прашања што лесно се препознаваат во сопствениот живот и ги поврзува со истражувања од психологијата, медицината и невронауката. Одеднаш, науката веќе не е некаде далеку. Темата сме ние. Родителите ќе најдат теми за детскиот развој, играта и времето пред екраните. Читателите што ги привлекуваат новите технологии ќе се сретнат со прашања за вештачката интелигенција, нејзините можности и етичките предизвици. Секој читател може да ја пронајде својата почетна точка во темите што го засегаат. Особено поттикнувачка е темата за интелектуалната понизност – подготвеноста да признаеме дека можеби грешиме. Покрај новите сознанија, книгата отвора простор и за преиспитување на сопствените уверувања: колку внимателно ги разгледуваме доказите и колку сме подготвени да ги слушнеме другите. Тоа е вредност што читателот може да ја понесе од страниците во секојдневните разговори и одлуки, велат од „Матица македонска“.

Реклама

Академик Нада Поп-Јорданова е педијатар и психолог, со долгогодишно професорско и научноистражувачко искуство, која ја продолжува својата посветеност кон популаризацијата на науката на македонски јазик. Нејзината намера е научните достигнувања да стигнат и до луѓето надвор од стручните кругови.

„Наука за сите“ е достапна во книжарниците на „Матица македонска“.