Населба Радишани ќе добие нов мега парк и нов плоштад. Денеска беше поставен камен темелникот на мега-паркот што ќе се протега на површина од 10 илјади квадратни метри со зелена површина, 6 илјади квадрати за плоштад и 4 илјади квадратни метри за мега – детско игралиште.
Проектот е вреден 20 милиони денари, а сретствата се обезбедени од владата. Настанот беше организиран во рамките на теренските посети „Каде што срцето е дома“, а покрај премиерот Мицкоски, таму присуствуваа вицепремиерот и министер за транспорт Александар Николоски и министерот за локална самоуправа Златко Перински.
Мега – паркот во Бутел е еден од дванаесетте проекти што општината ќе ги реализира со средства од државниот буџет одобрени на првиот јавен повик за финансиска поддршка за инфраструктурни општински проекти.
