Најмалку 60 луѓе загинаа, а 11 се водат како исчезнати во голем пожар што избувна ноќеска во трговски центар во градот Кут, во источен Ирак, соопштија локалните здравствени власти и полицијски извори. Медиумите посочуваат дека жртвите се главно жени и деца. Според локалната власт, сè уште има тела кои не се извлечени и се наоѓаат под урнатините на изгорениот објект.
Причината за пожарот засега не е утврдена. Гувернерот на провинцијата Васит најави дека првичните резултати од истрагата ќе бидат објавени во рок од 48 часа. Поднесени се кривични пријави против сопственикот на зградата и управата на трговскиот центар, изјави гувернерот.
