Над еден милион луѓе низ цела Франција учествуваа на демонстрациите организирани од осум француски синдикати, со цел да влијаат врз новиот премиер и неговите буџетски одлуки.
Овој број е поголем од оној на последните големи протести против пензиската реформа во јуни 2023 година, кога според синдикатите, се собраа 900.000 луѓе. Синдикатите кои повикаа на штрајк се залагаат за повлекување на предложените намалувања на буџетот, замрзнување на социјалните бенефиции и други мерки за штедење.
