Над 50 загинати и десетици исчезнати по катастрофалните поплави што ги зафатија централните делови на сојузната држава Тексас. Најпогодени се децата од летниот камп во округот Кер. Спасувачите сè уште трагаат по 27 девојчиња. Гувернерот Абoт прогласи катастрофа во 15 окрузи.
„Досега пронајдовме 43 починати лица во округот Кер. Меѓу нив, 28 возрасни и 15 деца, дел сè уште не се идентификувани. Работата ќе продолжи сè додека не се пронајдат сите“, изјави Лари Лејта, шериф на округот Кер.
Претседателот Трамп најави федерална помош за државата.
