Без никакви проблеми се одвива гласањето во источниот дел на Македонија, односно во шесте општини каде што денеска се одржува вториот круг од овие Локални избори. Достоинствено, во фер и демократска атмосфера граѓаните гласаат за нови градоначалнци на Пробиштип, Виница, Кочани, Македонска Каменица, Чешиново-Облешево и Зрновци.
И во третиот пресек од овој изборен ден Пробиштип, останува високо на листата по излезност. Овде до 13 часот, своето право на глас го искористиле 36,66 %од гласачите, што е за 4% повеќе од првиот круг, додека во Кочани процентот на излезност е над 18%.
Изборите се надеж за подобар живот, за подобра иднина, коментираат граѓаните кои денеска го искористија своето демократско право гласајки за градоначалник.
Право на глас во овие шест општини имаат вкупно 76,038 граѓани.