Најниска температура изутринава е измерена на Попова Шапка, а највисока во Гевгелија.
Како што информира УХМР изутринава на Попова Шапка се измерени седум степени, во Kрушево, Mаврови Анови и Лазарополе 10, Крива Паланка, Охрид, Претор, Битола и Берово 12, Тетово и Прилеп 14, Скопје-Петровец, Куманово, Штип и Виница 15, Скопје-Зајчев Рид, Кавадарци, Демир Капија и Струмица 16, Велес 17 и во Гевгелија 18 степени.
Количината на врнежи изминатите 24 часа до 08:00 часот во (l/m2) изнесува четири Попова Шапка, два Скопје-Петровец и Маврови Анови, еден Скопје-Зајчев Рид, Тетово, Куманово, Битола, Кавадарци, Крушево и Тополчани.
Времето денеска ќе биде променливо облачно со повремени врнежи од дожд. На повеќе места ќе биде нестабилно со пороен дожд, грмежи и засилен северен ветер (над 50 km/h). Локално процесите ќе бидат поинтензивни во форма на невреме со пообилен пороен дожд, грмежи, силен ветер (над 60 km/h) и услови за изолирана појава на град. Максималната температура ќе биде во интервал од 20 до 28 степени.
Во Скопје, променливо облачно со повремени врнежи од дожд. Попладне во делови од котлината ќе биде нестабилно со пороен дожд, грмежи и засилен северен ветер. Максималната температура ќе достигне до 25 степени.
