Видео снимката која ги преплави социјалните мрежи, на која се гледа автомобил „Порше“ непрописно паркиран во Дебар Маало, се однесува на настан кој се случил на 22 март, потврдуваат од МВР.
„Возилото е подигнато од страна на ПОЦ, а од страна на СВР Скопје преземени се мерки по член 63 став 6 од Законот за безбедност на сообраќајот на патиштата, и на возачот на возилото, С.К., му е издаден платен налог. Исто така, потврдуваме дека возилото не е во сопственост на полициски службеник“, соопштуваат од Министерството за внатрешни работи.
Во врска со постапувањето на полициските службеници при подигнувањето на возилото, постапува Одделот за внатрешната контрола, криминалистички истраги и професионални стандарди при МВР. По завршување на постапката, јавноста ќе биде соодветно информирана.
Според видеото, возилото било оставено повеќе од 4 часа на велосипедска патека.
