Јавноста згрозена, нов случај на малтретирање на куче. Жител на Крива Паланка го врзал животното со јажe за задниот дел од возилото, безмилосно го влечел по пат и го фрлил во речено корито.
Откако надлежните институции биле запознаени со случајот, екипи на противпожарната служба од Крива Паланка излегле на терен и го спасиле кучето, а од МВР најавија соодветна пријава против 59-годишниот сторител. Од здруженијата за заштита на животните се револтирани од овој нов случај на мачење на животни, откако во изминатиот период имаше слични вакви. Пред еден месец за првпат во државава беше изречена затворска казна за убиство на животно. За смртта на кучето Феликс кое почина во јануари годинава, Љубе Крстевски доби три месеци затвор.
