Пребрзо возење на едно тркало и без кацига, пресекување на правец, прекшување на сообраќајните правила – полицијата во акција против лудото возење на моторџиите и возачите на тротинети. По сите македонски улици до 7 јуни ќе има засилени контроли за непочитувањето на прописите од возилата на две тркала.
Нема да бидат поштедени возачите на мопеди, мотоцикли и е-тротинети кои немаат возачка, не да носат соодветна опрема или пак имаат техничка неисправност.
Граѓаните сметаат дека не само автомобилите, туку и моторите и тротинетите треба да добиваат ригорозни казни за да ги почитуваат сообраќајните правила.
Од МВР апелираат возачите да бидат внимателни, а акцијата пред се има цел да ја зголеми безбедноста во сообраќајот и намалување на сообраќајните незгоди.
„Имајќи предвид дека, се наоѓаме во период кога поради топлите денови овие возила интензивно учествуваат во сообраќајот, сообраќајната полиција ќе презема засилени контроли со превентивно-репресивни мерки на патиштата низ целата држава“, соопшти МВР порачувајќи сите учесници во сообраќајот да ги почитуваат парвилата поради сопствената и безбедноста на сите други учесници.
МВР учествува во оваа акција на Асоцијацијата на европски сообраќајни полиции заедно со уште 34 европски земји.
Ана Минин
