На 16.04.2025 година, околу 18:25 часот, во СВР Скопје било пријавено дека на локалниот пат меѓу селата Копаница и Бојане, скопско, мотоцикл марка „Сузуки“ со скопски регистарски таблички, управуван од С.С. (38) од село Буковиќ, излетал од коловозот. Од здобиените повреди, возачот починал на самото место, информира Министерството за внатрешни работи.
Смртта била констатирана од лекар од Итната медицинска помош, а по наредба на јавен обвинител телото на починатиот било предадено на обдукција.
Сопатникот С.Ј. (41) од село Копаница се здобил со тешки телесни повреди, кои биле констатирани во Комплексот клиники „Мајка Тереза“.
На местото на несреќата бил извршен увид од јавен обвинител и увидна екипа од СВР Скопје.
