Откако Жељаско Радуков одби да биде курир, македонското МНР не се откажува. Протестната и барањето извиниување по официјален пат ќе стигне до Бугарија. Македонија директно ќе се пожали во Софија, за пропустот во кабинетот на бугарскиот претседател, каде го немаше македонското знаме при фотографирањето на претседателката Гордана Силјановска Давкова и нејзиниот бугарски колега Румен Радев.
Од кабинетот на Силјановска Давкова веќе реагираа дека воопшто не било ниту планирано да се фотографираат во кабинетот на Радев, но тоа било сторено откако тоа го побарал првиот човек на Бугарија. Претседателката вели дека ќе направела уште поголем скандал доколку решела да си замине.
-Во тој момент мислата дека беше дека можам да си заминам и тогаш ќе направам скандал, а другата беше дека домаќиннот ги утврдил правилата и дека домаќинот, а не јас греши. И дека што е подобро си велам, дали оти јас ако прозборев или си заминев посетата немаше да постои, не само тоа туку сега ќе имаше нова сенка покрај трагедијата, сенка на Набуко, изјави Силјановска Давкова.
Познавачите велат Македонија покажала добра волја со самото тоа што иницирала ваква средба, а Бугарија возвратила со провокација. Според поранешниот амбасадор Ристо Никовски, ова не е порака само до Софија, туку и до меѓународниот фактор.
-Самата иницијатива наша е позитивна, значи еве ние сме тука сакаме да соработуваме, сакаме дијалог итн. И тоа беше порака не само за Софија, туку и за Брисел и за Вашингтон. Меѓутоа од друга страна точно тој момент не им одговараше на Бугарите. Значи ние дефакто преземаме одредена иницијатива, а тие се во една агресија против Македонија и затоа е таквата нивна реакција, изјави Никовски.
Според Никовски, Радев уште еднаш ги покажал неискрените политики во спорот со Македонија, со тоа што ги зголемил неговите апетити во овој меѓудржавен спор.
-За прв пат ми се чини Радев ги спомена не само договорот за непријателство, туку и протоколите, а тие се клучни во целата ситуација. Оваа посета која имаше добра намера на крај од краиштата донесе сепак негативни резултати во целина, изјави Никовски.
Министерот за надворешни работи Тимчо Муцунски очекува Бугарија да се извини за оваа протокаларна грешка, така што би покажала дека целта на ваквиот потег не е некаква навреда или понижување кон Македонија.
Матеја Петровски
