Две момчиња од Трубарево се уапсени во Аеродром, бидејќи палеле кабли. Според информација од Министерството за внатрешни работи, викендов полициски службеници од полициската станица во Аеродром уапсиле двајца млади на возраст од 23 и 26 години, и двајцата од Трубарево.
Тие биле пријавени од вработен во Општина Аеродром, кој ги видел како палат кабли во парк на булеварот „Февруарски поход“. Полицијата ги затекнала на местото и ги привела.
Момчињата се задржани во полициска станица и по целосно документирање на случајот ќе биде поднесена соодветна пријава за делото предизвикување општа опасност.
