Корупцијата, правната несигурност , недостатокот на квалификуван кадар и лошата инфраструктура се најголемите недостатоци кои ги нотираат компаниите инвеститори во Македонија . Помалку од половина, односно само 43 отсто од странските инвеститори кои веќе инвестирале кај нас би го направиле тоа повторно по прв пат . Податоците од анкетата „ Бизнис инвестициски индикатор “ кој ја спроведе Советот на странски инвеститори покажуваат дека 90 отсто од компаниите неможат да најдат инженери и техничари.
„Прво е недоволно наоѓање на едуциран кадар, кадар кој е релевантен за работа во овие компании. Дополнително има коментари поврзани со владеењето на правото, правната држава и корупцијата. Правната несигурност и честите измени на сите оние бизнис регулативи со кои ние секој ден се соочуваме во државата, рече Виктор Мизо .
Се покажа дека 45 отсто од компаниите го зголемиле производството во одност на 2022, а 36 проценти го намалиле поради глобалните но и домашните проблеми. кај 19 отсто нема промена .
За идната година најголеми ризици се инфлацијата, неконзистентноста на економските политики, растот на цената на енергенси, корупцијата и одливот на работна сила . Покрај тоа што немаме работници дома , тешко оди и процесот на увезување бидејќи бирократијата е прекомлицирана .
„Процесот на обезбедување на работни дозволи е процес кој што е долготраен од аспект на време но и од аспект на бирократски потешкотии. Станува се потешко дури и странска работна сила да биде привлечена да работи тука во нашата држава, рече Никола Љушев Совет на странски инвестиции.
Компаниите се соочиле и со проблеми за добивање на државна помош . Две третини од анкетираните сметаат дека правилата за државна помош се пресложени, а кај дел имало проблем со исплатата. Три четвртини сметаат дека е потребна и дополнителна финансиска поддршка . Согласно на ваквите податоци, не е чудно што само 39 проценти имаат нова инвестиција во Македонија.
Според анкетата недостига дијалог меѓу бизнисот и власта . Инаку, анкетата беше спроведена во периодот од 20 ноември до 12 декември кај инвеститорите кои вработуваат 38.000 граѓани и во минатава година направиле обрт од 7,7 милијарди евра.
