Во попладневните часови Струга бележи далеку помала излезност во однос на Кичево и помалата општина Дебрца. Според последните информации од општинската изборна комисија, до 13. часот во Струга за идниот гратски татко гласале 16,77% проценти од вкупно евидентираните граѓани, што е за 5 % проценти помала излезност во однос на првиот круг со 21,65% излезност. Граѓаните од утринските часови излегуваат на гласање, закружувајќи го оној кандидат за градоначалник на Струга на кого ќе му ја дадат довербата да го води градот во наредните 4 години.
-Да се дислоцира депонијата, тоа е еден од главните проблеми,проблеми со водоводот иако имаме вода од секаде. Инфраструктурно уредување, повеќе паркови и зеленило,тоа да може подобро да се уреди. И знаете за младите, што помалку коцкарници, повеќе да има игралишта.
-Вода има малку, патиштата се пусто,т ротоарите се срушени
-Најповеќе ѓубриштето.
-Убо е бе убо е,кој сака нека е
До општинската изборна комисија на Струга нема реакции за непреавилности или нарушувања на јавниот ред. Во финишот на изборната кампања во вториот круг се случи инцидент кога во едно училиште се степаа двајца активисти.Инаку како одминува времето за гласање,во попладневните часови полека се зголемува фреквенцијата на гласачките места.
-Гласењето се одвива апсолутно во ред, никаков проблем немаме.Дали излезноста е иста, послаба или подобра во однос на првиот круг?Можа, да кажам дека е иста, изјави Билјана Мојсоска од избирачкото место 1848 во Струга.
-До сега нема проблеми никакви, излезноста е мала слаба уште е рано.Излезноста во однос на претходниот круг е слична, тука е некаде, изјави Славе Ѓинковски од избирачкото место 0732 во Кичево
Кичевчани имаат свои очекувања од идниот градоначалник.
-Важно поминавме на редот,а што ќе биде како ќе биде очекувањата и до сега не се исполнија може и од сега нема да се исполнат .За наредните 4 години подобро очекуваме,да се среди малку градот. Претежно кучињата и ѓубрето
Во Кичево до 13 частот излегле 28,25 % од евидентираните гласачи. Таму за гласање беа пријавени најмногу болни и изнемоштени лица– 823, а гласале 793.
До сега, денот поминува мирно и без инциденти и во Дебрца. За потсетување таму пред да стапи на сила изборниот милк полицијата приведе две лица од Волино за давање на изборен поткуп и две тетратки со списоци од лица поделени по населени места во Општина Дебрца. Инаку таму излезноста до 13 часот е 26,54% што е речиси идентично како и во првиот круг.