Гласањето во Струга до пладнеминува во мирна атмосфера, без инциденти. На време и без проблеми во 7 часот се отворени 101 изборачко место на кое во текот на денот се до 19 часот можат да се изјаснат 61.956 граѓани. Од ОИК информираат дека заклучно со 11 часот на гласање излегле 9,16 % од гласачите,што е речиси идентично во однос на првиот круг кога процентот на излезност беше 9,92%
-Гласањето тече во ред,беше отворено во 7 часот,излезноста е слична како и претходниот пат, изјави Јовче Крстановски од избирачкото место 1857.
Граѓани искористувајќи го своето демократско право, закружуваат еден од двајцата кандидати кои битката за градоначалник ја трчаат во вториот круг на локалните избори.
-Улиците, едно друго.Ништо друго не сакам зошто децата не ми живеат овде сама сум. Да се направи Струга напред да оди
-Поубаво да живееме,во слога да се почитуваме
Во Општина Струга вчера гласале 3-ца затвореници како и 384 болни и немоќни лица а беа пријавени 422.Инаку и општина Дебрца влезе во втор круг на локалните избори.И таму до сега гласањето се одвива тековно и без проблеми.Излезноста до 11 часот е 13,99%,слично како и во првиот круг. Во избирачкиот список се запишани 3 903 лица.Се гласа на 22 избирачки места, нема промена на локациите.Како и во првиот круг така и сега гласале 37 болни и изнемоштени од 38 кои беа пријавени. Во Кичево излезноста во 11 часот е 15,96 % .
