Министерство за социјална политика: Решенијата за часови на лични асистенти ги носи ЦСР, надоместоците за јануари се исплатени, за февруари – во среда

Стигна реакција од Министерството за социјална политика, демографија и млади, од каде објаснуваат дека во врска со часовите за лични асистенти, решенијата за користење на оваа услуга ги носи Центарот за социјална работа, врз основа на претходно преземени процесни дејствија од страна на стручните лица, согласно закон и подзаконски акт. Што се однесува, пак, до надоместоците за личните асистенти, за јануари се исплатени денеска, а во среда ќе бидат исплатени за февруари.