Министерот за надворешни работи и надворешна трговија Тимчо Муцунски се сретна со претставници од македонско-турската стопанската комора МАТТО, со претседателот на комората Ајдован Адемоски, заменик претседателот Марија Томеска и заменик претседателот, Есер Џевахир.
Средбата ја потврди одличната соработка на Македонија и Република Турција во делот на бизнисот и економијата со надеж дека соработката ќе продолжи и во следниот период, а активностите ќе бидат насочени кон понатамошно мотивирање на нови странски компании, кои ќе инвестираат во земјава.
Министерот Муцунски ги претстави надлежностите и одговорностите на министерството во делот на странски инвеститции и нагласи дека министерството ќе прерасне во вистински сервис на компаниите кои ќе одлучат да инвестираат во државата. Од страна на на матто беше истакнато дека комората претставува сервис на турските инвестиции во македонија, а не ја исклучија и можноста за посета на бизнис форуми каде ќе бидат претставени условите за инвестирање во Македонија.
