Премиерот Христијан Мицкоски, денеска и утре ќе престојува во дводневна посета на Србија по повод меѓународен саем за вино, храна, ракија и туризам – „Винска визија, на отворен Балкан“.
Мицкоски, денеска, попладне ќе има одвоени средби со Претседателот на Србија – Александар Вучиќ, а потоа и со српскиот премиер – Милош Вучевиќ. Во состав на македонската делегација, се Љупчо Димовски, вицепремиер за политички систем; Иван Стоилковиќ, вицепремиер и министер за односи меѓу заедниците; Игор Јанушев, генерален секретар на Владата; Цветан Трипуновски, министер за земјоделство; Горан Минчев, министер за јавна администрација и Максим Димитриевски, градоначалник на Куманово.
Премиерот Мицкоски ќе има обраќање на отворањето на настанот, а вечер заедно со македонскиот амбасадор во Србија – Никола Тупанчевски, ќе се обратат на македонската вечер. На третиот меѓународен саем за вино, храна, ракија и туризам, што се одржува во Белград.
Ќе бидат претставени 650 изложувачи од 38 земји. Оваа година од Македонија, на саемот во Белград ќе учествуваат 80 винарии и дестилерии, шест изложувачи на храна, и ресторан, со тројца готвачи.
