Претседателот на Владата на Република Македонија, Христијан Мицкоски, денес одговараше на новинарско прашање во врска со зголемувањето на платите на полицајците и изјави:
„Вработените во Министерството за внатрешни работи веќе добија за 10% повисока плата на 1 Април. Ова е уште едно од ветувањата што е реализирано.
Пензионерите веќе добија 2.500 денари линеарно зголемување, а со додадените 2.500 денари од минатата година, го заокружуваме циклусот на вкупно 5.000 денари линеарно зголемување за пензионерите.
Вработените во образованието, покрај зголемувањето од минатата година, ќе добијат и оваа година, откако ќе биде потпишан договорот кој ќе се усогласи на работно ниво, а вработените во здравството исто така ќе бидат вклучени.
Сето ова што го правиме е континуиран процес во насока на подобрување на економските услови за нашите граѓани и ќе продолжиме да работиме на тоа,“ изјави Мицкоски.
