Претседателот на Владата, Христијан Мицкоски, вечерва во име на Владата организираше ифтарска вечера, која ја оцени како момент на заедништво, почит и духовна поврзаност.
Како што напиша на својот профил на Facebook, вечерта поминала во топла атмосфера, исполнета со разговори, градење пријателства и потврдување на вредностите на почитта и соживотот во општеството.
„Во духот на овие вредности, вечерта ја поминавме во топла атмосфера, разговарајќи, градејќи пријателства и потврдувајќи дека почитта и соживотот се темел на нашето општество“, напиша Мицкоски.
Тој додаде дека ваквите средби потсетуваат дека различностите се сила на општеството, а меѓусебната поддршка е патот кон посилна и пообединета заедница.
Во објавата, премиерот им посака мир, здравје и благословени денови на сите верници кои го одбележуваат месецот на постот. Целата објава може да ја погледнете на следниот линк:
