Владата во мисија да привлече што повеќе странски инвестиции од најголемата европска економија. Компании од Германија се заинтересирани да инвестираат во Македонија, по успешната презентација на плановите за инфраструктурата, енергетиката, туризмот која ја направи македонскиот премиер Христијан Мицкоски во Стопанската комора во Берлин. Наскоро според очекувањата на премиерот треба да стартуваат преговори со компаниите.
Мислам дека ова во Германија е исклучителна доволна можност имајќи предвид дека нашата трговска размена надминува повеќе од пет милијарди евра, илјадници наши граѓани работат во компаниите каде што се сопственици германски инвеститори и ние како Влада имаме и обврска, но и одговорност да продолжиме со промоција во најголемата би рекол европска економска сила. Промоција на инвестициските можности и капацитети. Денеска тоа го направивме во неколку области како што се услугите, туризмот, енергетиката, производството итн. и мислам дека имавме исклучително позитивен состанок и мислам дека по овој состанок да бидам попрецизен, сигурен сум ќе имаме уште неколку нови инвеститори во периодот којшто следи, вели Христијан Мицкоски, премиер на Македонија/
Германските бизнисмени го препознаваат потенцијалот на македонската влада за создавање поволна клима за странски инвестиции.
Јас морам да кажам дека дискусијата беше многу ефикасна и надежна, за тоа имавме деклариран впечаток, бидејќи премиерот изјави дека оваа Влада е навистина бизнис ориентирана. Разговаравме за прашања поврзани особено со енергетиката и инфраструктурата, како и за фармацевтските производи и дигитализацијата.“, изјави Мајкл Хармс.
Очекувањата се дека новите странски инвестициидраматично ќе ја зголемат економската активност и ќе влијаат позитивно во растот на домашниот БДП за следната 2025 година, но и за наредните години.
Инаку извозот на производи од германски инвеститори во земјава кон Германија десетина години по ред е во пораст, со исклучок на годините во короната кога била евидентна стагнација. Според податоците од германската стопанска комора, од Македонија најмногу се извезуваат високософистицирани компоненти наменети за автомобилската индустрија, седишта за автобуси, за возови и за автомобили, различна медицинска опрема, специјални бакарни кабли кои се применуваат во индустриското производство. За германскиот пазар овде се прават и софистицирани кафемати и фенови за коса.
