Реклама

Алта банка повторно функционира и со експозитура во Скопје, овозможена и исплата на плати и придонеси

Никола Јанкуловски избран за претседател на Лекарската комора

Академик Владо Камбовски со детали за новиот КЗ со кој конечно треда да се стави ред во правниот хаос

Мицкоски ја разобличи хистеријата на Филипче: Владата на СДСМ и ДУИ барала влегување во деловни односи со Алта

Собранието го донесе вториот ребаланс на буџетот за 2026 година

По цели три децении Македонија ќе добие нов Кривичен законик, текстот е веќе испратен во Брисел за нивно мислење

Министри, директори, па дури и попови – Бог простува, ама „Сејф Сити“ не: системот се шири во Битола, Струмица и Штип

Пекол на „Тракија“: 12 жртви и 48 повредени во двата масовни верижни судири во Бугарија

Економијата расте, инфлацијата се стабилизира: Стопанствениците очекуваат ваквата динамика да продлжи

Претседателот Трамп ја номинира Кристи Мекормик за нова амбасадорка на САД во Македонија

Алта банка дефинитивно ќе се продаде и спаси, дури 6 банки и финансиски институции заинтересирани да ја преземат

Кравите „господарат“ со Крива Паланка: Градоначалникот немоќен и без решение за „инвазијата“ крави по градските улици

Македонија

Мицкоски: Очекувам реконструкцијата на Универзалната сала да заврши во предвидениот рок

Реконструкцијата и на модернизацијата на еден од најзначајните културни симболи на градот…

Сподели:
Фото: Алфа Вести

Реконструкцијата и на модернизацијата на еден од најзначајните културни симболи на градот Скопје – Универзалната сала, е проект од исклучително значење, бидејќи со нејзиниот нов лик градот ќе добие современа, функционална и репрезентативна културна институција, простор за врвни концерти, театарски претстави, фестивали, големи културни настани.

Проектот, чија реконструкцијата е планирано за заврши до декември 2027 година, е од исклучително значење и во контекст на подготовките на Скопје за европска престолнина на културата 2028, беше истакнато по денешниот увид на градежните активности на објектот од страна на премиерот Христијан Мицкоски, министерот за култура и туризам, Зоран Љутков, и скопскиот градоначалник Орце Ѓорѓиевски. 

Премиерот Мицкоски изјави дека очекува во рамките на рокот и на предвидениот буџет да биде завршен овој објект.

Реклама

-Очекувам во рамките на рокот да биде завршен овој објект бидејќи проектот „Европска престолнина на културата“ после сите оние застои во минатото, конечно добива на некаква динамика, а мораме до 2028 комплетно да ги затвориме сите објекти. Така што еден од тие објекти е и овој позади нас. Јас сум благодарен од мое име, од името на граѓаните на Градот Скопје што овој објект после сите оние перипетии од минатото ќе добие некаква физиономија. Според она што го видов и што го презентираше проектантот ќе биде навистина прекрасно дело. Па ајде да не зборуваме што се вели пред време, да го завршиме и потоа сите заедно да се радуваме и уживаме во културните настани коишто тука ќе се организираат, рече премиерот.

Министерот Љутков информира дека постапката за избор на изведувач е успешно завршена, со што се создадени сите услови за почеток на градежните работи.

– Проектот ќе се реализира по принципот „клуч на рака“, а завршувањето на реконструкцијата е планирано до декември 2027 година. Овој проект е од исклучително значење и во контекст на подготовките на Скопје за Европска престолнина на културата 2028. Со новиот лик на Универзална сала, градот ќе добие современа, функционална и репрезентативна културна институција, простор за врвни концерти, театарски претстави, фестивали и големи културни настани. Ова е инвестиција во иднината на македонската култура, во нашите уметници, во нашата публика и во генерациите што доаѓаат, рече Љутков.

Скопскиот градоначалник Ѓорѓиевски изрази задоволство од настанот и им се заблагодари на претседателот на Владата, на Владата, на Министерството за култура и туризам, како и на министерот, за нивниот ангажман и, како што рече – по долго време ја враќаат душата на Скопје.