Во Тирана денеска беше отворена новата канцеларија на Македонското здружение „ВМРО-ДПМНЕ Албанија“, на настан кој помина во присуство на голем број Македонци од земјата.
Пред присутните претседателот на Владата, Христијан Мицкоски нагласи дека ова отворање претставува важен чекор за македонската заедница во Албанија, можност да имаат свој клуб, простор за здружување и место каде слободно ќе ја негуваат културата, јазикот, идентитетот и традицијата. Во обраќањето беше посочи и дека ваквата можност ја немаат Македонците во Пиринскиот дел на Бугарија, кои во 21 век сè уште се спречени да регистрираат невладино здружение и да зборуваат слободно за својот македонски идентитет.
„Ние сме вредни, трпеливи и умни, и уверени сме дека, било сега или во периодот што следи, ќе дојдеме до таа цел,“ рече претседателот на Владата Мицкоски.
Дополнително Мицкоски порача дека македонската држава ќе продолжи да биде силен столб и поддршка за Македонците ширум светот, нивна татковина што со отворени раце ги пречекува да дојдат дома и да останат поврзани со заедницата во Македонија.
Целата објава и фотографии може да ги видите на следниот линк:
