Премиерот Христијан Мицкоски се сретна со Јован Костадинов, 19-годишното момче од Виница, кое со својата храброст спаси 21 живот од запалениот објект во Кочани.
„Јован е пример за новата генерација која покажува што значат пожртвуваност и човечност. Во најтешките моменти, тој покажа што значи да се биде човек, достоинствен и несебичен,“ изјави Мицкоски.
Како признание за неговата храброст, компанијата Алкалоид ќе му додели стипендија, потврдувајќи дека светлите примери во општеството треба да се вреднуваат.
„Јован е светла точка во деновите на темнина. Неговото име ќе остане запаметено, а неговиот пример треба да нè поттикне сите да бидеме подобри, посилни и похрабри граѓани на нашата Македонија,“ порача премиерот.
