Ако ЈО не отвори постапка за Филипче за луксузниот џип, ќе докаже дека работи под негов диктат. Филипче добил луксузен џип од 130.000 евра од фирма добитник на тендери во време на СДСМ и ЈО молчи и не отвора случај, изјави Јане Мицевски, пратеник и член на ЦК на ВМРО-ДПМНЕ.
Тој додаде дека односот на ЈО кон Филипче е зачудувачки. Зошто ЈО молчи? Дали ЈО не смее да постапува затоа што Филипче е претседател на партијата која ги избра скоро сите обвинители?
„Истото тоа ЈО отвори постапка за Пеце Мирчевски, за ист таков случај, но Мирчевски е само обичен директор од СДСМ и кај нив нормално е некој да оди жртва за Венко.
ЈО и да отвори и да не отвори постапка за Венко Филипче, тој веќе нема легитимитет, народот јасно гледа дека тој е заштитен и тоа уште повеќе ќе го казни на избори.
Ниту Филипче, ниту било кој во СДСМ не смее да го манипулира народот“, потенцира во изјавата Јане Мицевски, пратеник и член на ЦК на ВМРО-ДПМНЕ.
