Mетеж на границите – на „Богородица“ и „Блаце“ се чека и по еден час

Од синоќа и во текот на денешниот ден има огромен метеж на граничните премини. Најдолги колони на возила се забележуваат на „Богородица“ и „Блаце“ каде луѓето во своите автомобили чекаат 30 минути до еден час. На „Ќафасан“ и „Меџитлија“ има забележително помала гужва, но и таму движењето е отежнато. Вчера на граничните премини за излез од државата се чекаше 15 минути, додека за влез во соседните земји особено на граничниот премин „Богородица“ патниците чекаа и по половина час. Многумина се одлучија за викенд во Охрид, па претпладнево беше вистински хаос и на патот од Гостивар кон Кичево каде се забележуваат огромни колони автомобили.