Во Спортскиот центар „Борис Трајковски“ денеска ќе се одржи 25. Меморијален турнир во мал фудбал, кој се одржува во чест на загинатите припадници на Армијата во 2001 година и загинатите припадници на полицијата од настаните во Куманово во 2015 година.
На турнирот ќе настапат екипи од Армијата, Министерството за одбрана и Министерството за внатрешни работи.
На отворањето на турнирот ќе се обратат министрите за одбрана и за внатрешни работи Владо Мисајловски и Панче Тошковски и претседателот на здружението „Херои на Македонија 2001-2015“, Владо Стојановски.
Меморијалниот турнир оваа година е во ко-организација на Министерството за одбрана и Здружението на загинати припадници на вооружените сили на Македонија – „Херои на Македонија 2001-2015“.
