САД подготвуваат поништување на до 200 илјади деловни и туристички визи на странски државјани кои поднеле барање за азил. Мерката, според најавите, ќе се спроведува постепено и во координација со Одделот за внатрешна безбедност.
Целта е да се овозможи поголема контрола на лицата кои, по влезот во земјата со туристичка или деловна виза, потоа поднеле барање за азил. Од американските власти посочуваат дека поништувањето на визите не значи автоматска депортација. Секој случај ќе биде разгледуван во согласност со постоечките процедури и имиграциските правила.
Мерката е дел од пошироките напори на американската администрација да ја заостри имиграциската политика и контролата на влезот и престојот на странски државјани во САД.
