Градоначалникот на Општина Чаир, Изет Меџити информираше дека е завршен уште еден значаен инфраструктурен проект во населбата Дижон, во рамки на инвестициите за модернизација на комуналната инфраструктура и подобрување на условите за живот на граѓаните, информира Општина Чаир во соопштение.
Во рамките на проектот на улицата „Фаик Коница“ целосно е реконструирана водоводната мрежа, изградена е фекалната канализација, а извршено е и асфалтирањето на улицата, со што целосно е заокружена оваа инфраструктурна инвестиција.
„Целосно е завршена реконструкцијата на водоводната и фекалната канализациска мрежа. Извршено е и асфалтирањето на улицата. Секое ветување го исполнуваме. Секој проект го реализираме!“, изјави Меџити.
Општина Чаир останува посветена на реализација на развојни проекти во секое маало, со фокус на инвестиции што ја подобруваат инфраструктурата и го унапредуваат квалитетот на животот на граѓаните.
