Првиот вицепремиер и министер за животна средина од редовите на ВЛЕН, Изет Меџити, денеска повторно го повика својот коалициски партнер, министерот Арбен Таравари, да одлучи дали ќе соработува со Демократската унија за интеграција или ќе остане во ВЛЕН и во Владата.
Меџити рече дека вчера била одржана редовна владина седница на која, по игра на случајот, не присуствувал министерот за здравство Арбен Таравари, но рече дека на седницата бил присутен вицепремиерот за добро владеење Арбен Фетаи од редовите на Алијансата за Албанците.
