Градоначалникот на општина Чаир, Изет Меџити, вчера, во емисијата „Клик плус“ на ТВ „21“, информира дека изградбата на булеварот Цветан Димов веќе е вклучена во буџетот на Град Скопје и дека процесот ќе продолжи без одложувања, се наведува во соопштението од „Вреди“.
Според Меџити, се работи со висок интензитет за да се обезбеди целата потребна документација и да се најдат решенија што нема да ги оспорат градежните работи. Тој нагласи дека најкритичната точка останува станбениот објект спроти основното училиште „Лирија“.
„Нема деловни објекти што треба да се уриваат. Доколку евентуално на некој граѓанин му биде одземен дел од неговиот имот, тој ќе биде правично обесштетен“, изјави Меџити.
Меџити беше дециден дека проектот ќе се реализира.
„Изградбата на булеварот Цветан Димов ќе се реализира, тука нема дилеми“.
