По двете успешно реализирани изданија на „Поетско ехо на Сопиште“, манифестацијата продолжува со ново издание, овојпат посветено на најмладите.
На 17 октомври 2026 година, со почеток во 13 часот, во Домот на културата во Сопиште ќе се одржи „Поетско ехо на Сопиште“, на кое учество ќе земат деца од цела Македонија. Во рамки на манифестацијата ќе биде објавен и зборникот „Поетско ехо на Сопиште“ (детско издание). Децата ќе добијат и благодарници за учество од организаторот, здружението за култура, едукација и промоција „Свет од зборови“.
Програмата ќе биде збогатена со виолината на Илина Трајковска и фолклорниот ансамбл „Св. Јоаникиј Ракотински“, со што и ова издание ќе ја прикаже поврзаноста на поезијата со музиката и македонската традиција. Со „Поетско ехо на Сопиште“, манифестацијата продолжува да го шири својот поетски глас, овојпат преку творештво на најмладите.
Настанот е поддржан од Општина Сопиште и локална општествено одговрна компанија.
