„Нема да има подобар договор ниту нови условувања, да донесеме одлука со која сите ќе се гордееме, кажа Димитар Ковачевски на 06.08.2023 година“.
„Ова е извадок од соопштение од СДС од нивната официјална страница. Од овде се гледа дека СДС свесно лажеше,“ вели Валентин Манасиевски, член на ЦК на ВМРО-ДПМНЕ.
„Денес 23.04.2025 година, нецели две години потоа, министерот за надворешни работи на Бугарија лично кажа дека со промената на Уставот, нема да завршат бугарските барања. Дополнително еврокомесарката Марта Кос, кажа дека не може да потврди дека нема да има нови блокади заради билатерални прашања. Двете тези на СДС со кои ги лажеа граѓаните дека нема да има нови барања од Бугарија, и втората дека нема да има блокади заради билатерални прашања се побиени. СДС ја донесе државата до ќорсокак. Лошите политики, кусогледоста и немањето визија денес не чинат и преговарачки позиции и углед,“ рече тој.
Манасиевски порача дека СДСМ треба да се извини за грешките кои ги направија со Бугарија и дека штетите се преголеми.
