Сите карти излегоа на површина, соработката на Филипче и СДСM со Бугарија е разобличена, пишува во денешното соопштение на ВМРО-ДПМНЕ – интегрален текст од прес-конференција на портпаролот Валентин Манасиевски, што МИА го пренесува интегрално.
Рубин Земон, човек на Зоран Заев и еден од најблиските луѓе на Венко Филипче е врската помеѓу Бугарија и СДСM.
Рубин Земон одржа средба со Виктор Стојанов, човекот кој ја води Фондацијата Македонија, која шири Бугарска пропаганда во државава и лице кое има забрана за влез во Македонија поради неговите антимакедонски ставови.
Ете овој човек соработува со СДСM и Филипче токму преку човекот на Заев, Рубин Земон.
Да ја потсетиме јавноста со какви хвалоспеви, меѓународниот секретар на СДСM, Андреј Жерновски говореше за него. Почитувани,
Освежувањето и засилувањето на Филипче и СДСM со Рубин Земон заврши со големо фијаско.
Дури и видни членови на СДСM му укажале на Филипче дека со оваа работа отидено е предалеку, па затоа му било кажано на Рубин Земон да замине од СДСM, но да продолжи со тоа што му е работа, а тоа е соработката со Бугарија и ширење на бугарска пропаганда.
Филипче е фатен во небрано, откриени му се намерите и доколку вака продолжи СДСM ќе стане ДООЕЛ.
